Thursday, January 14, 2016

भांडण !!!

खुप दिवसांपुर्वी हे लिहिले होते..अपलोड करायला आजचा मुहुर्त उजाडला...

भांडण !!!
आता मी काही मित्रा-मित्रां मधले किंवा भाऊ-बहीण किंवा office मधले अशा भांडणां बद्द्ल बोलत नाहीये.. हे आहे नवरा-बायको मधले भांडण...त्यामुळे मुळात या विषयावर लिहयचेच का? कारण "लिहायला आजुन काही विषय नव्हते का?" या मुद्द्यावरुन भांडण होईल...

खरे तर नवरा-बायको म्हणले की भांडण आलेच...पण जशी जशी लग्नाला जास्त वर्षे होत जातात तसे तसे भांडण हा गांभिर्याने घेण्याच्या ऐवजी मजेचा भाग होतो असे मला वाटते..म्हणजे कदाचित "कीतीही भांडलो तरीही आपला नवरा / बायको एकदम hopeless आहे" असा साक्षात्कार दोघांनाही दर वेळेस नव्याने होत असावा..आणि "आलीया भोगासी, असावे सादर" यामुळे किंवा मग एकमेकांवरच्या प्रेमाची जाणीव अधिक असल्यामुळे कदाचित भांडण seriously घेतल्या जात नसावे असे मला वाटते..

तशी माझी आणि शिल्पाची भांडणे खुप कमी होतात (आज-काल) ..याचा अर्थ आज-आणि-काल भांडण झाले नाही एव्हडेच :-) असा घेऊ नये .. :-) कदाचित भांडणात कोणीच जिंकत नाही आणि शेवटी कंटाळाच येतो म्हणुन आशात आम्ही भांडतच नाही..पण जर का सासरच्यांची फ़ारच आठवण यायला लागली तर मग होऊन जाऊ देतो .. :-)

सुरुवाती-सुरुवातीला भांडणे कशामुळे होतात ? हा काय प्रश्न आहे का? Actually भांडणे कशामुळेही होतात आणि अगदी ’प्यार का पंचनामा’ मध्ये दाखवल्या प्रमाणे ’१० मिन. पुर्वी Jaanu, I love you ... तर १० मिन. नंतर it's not working' ..btw..’वो ऊंगली वाला मेरेसाथ भी हुवा है" :-) ... हा तर.."it's not working" हा प्रकार समजायला मला जरा वेळ लागला...म्हणजे जर बायको ने फ़्रीजवर "It's not working..I am going to my Mom's place" अशी चिठ्ठी लिहीली तर मी बहुदा फ़्रीज उघडुन पाहिले असते..आणि "काय बायको आहे..थंड तर आहे की" अशी reaction दीली असती... अस्सो....

हा फार नाजुक विषय असल्यामुळे जरा जपुन लिहावे लागत आहे..

आता.." मी कशी दिसत आहे?" या प्रश्नाचे उत्तर तुमच्या लग्नाला किती वर्षे झाली आहेत यावर अवलंबुन आहे..माझे सर्व पती वर्गातले मित्र मला साथ देतील अशी अपेक्षा करतो..आता " अरे वा ! मस्तच" असे उत्तर दिलेत तर संपलेच.."दर वेळेस काय तेव्हडेच म्हणतोस ?" .. तुम्ही खुप मनापासुन सांगितले असेल तरीही ९९% वेळेस यातुन सुटका नाही.. एखादा dress घालु नकोस हे सांगताना "तु त्या dress मध्ये छान दिसत नाहीस" असे न म्हणता "तुझ्यावर तो dress छान दिसत नाही" असे म्हणावे..अन्यथा रात्री झोपण्यासाथी मित्राचे घर . :-)

बायकोने बनवलेला पदार्थ कसा झाला आहे ह्या प्रश्नाचे उत्तर अचूक देणार्यास बिनधास्त नोबेल (शांती साठी ) पुरस्काराने सन्मानित करण्यात यावे . . कारण "अप्रतिम , सुंदर , फारच छान . . " अशी उत्तरे देऊन सुद्धा (whether you like it or not..) पुन्हा "खरे सांग ना . . " असे विचारण्यात नाही आले तरच नवल . .

माझ्या नवीन लग्न झालेल्या मित्रांसाठी माझ्याकडे एक मोलाचा सल्ला आहे . . जर बायको म्हणाली की "अमुक -अमुक करूयात . . " किंवा तत्सम गोष्ट . . तर . . एक बघा की ती गोष्ट घडायला आजून किती वेळ बाकी आहे. . आणि समजा १० मिन पेक्षा जास्त वेळ असेल तर डोळे झाकून बिनधास्त "हो " म्हणुन टाका . .
९९% वाद यातच मिटतात . . आता यातली खरी गंमत सांगतो . . ९९% वेळेस या १० मिन मध्ये सुद्धा बायको तिचा विचार निदान ३ वेळेस तरी बदलते . . आणि तिसऱ्या बदला नंतर कदाचित तुम्हाला हवी असलेलीच गोष्ट ती सांगते . . आणि तुम्ही "आता तू म्हणतेच आहेस तर तसे . . " असे म्हणुन great बनु शकता . .
याची उदाहरणे : Hotel मध्ये food order करताना . . किंवा . . Movie कोणती पाहायची हे ठरविताना . .

आता ही गोष्ट जर फार नंतर घडणारी असेल (म्हणजे १ तास किंवा आजून नंतर ). . . मग तर tension घेऊच नका . . . ९९% वेळेस ती स्वतःच ते विसरून जाते . . मग आत्ता भांडण करून mood कशाला घालवता ?
याचे उदाहरण : "आपण या Dec मध्ये New Zeeland ला जाऊयात "… डोळे झाकून "ओके " म्हणा . . .
किंवा रस्त्यातून जाताना काचेमागे दिसणारा "मला हा dress घ्यायचा आहे "… यावर "कशाला ?… परवाच तर ४ घेतलेस ना … " असे न म्हणता "अरे वा.. सही " इतकेच म्हणा … बाकी … don't worry...

BTW... मी हे मगाशी पासून ९९%-९९% असे म्हणत आहे … समजा तुमची case उरलेल्या १% मधली निघाली तर ???
तर काय … मित्रा … तसाही तुझ्याकडे काही पर्याय आहे काय ? :-)




14 comments:

Swapnil A said...

सही रे शार्दुल... :)
"आता ऐक....!!" आठवलं मला :)

Swapnil A said...

सही रे शार्दुल... :)
"आता ऐक....!!" आठवलं मला :)

Mansee Waghmare said...

Hilarious..

Sachin Khairnar said...

Great Shardul...

savita telkikar said...

Wa kay muhurt shodhalas aajacha,lagech "Tilgul ghya ani god god bola" mhanata yeil.Tu tar Marriage Management sry sry Bayko management Guru ch na bhau!!!

savita telkikar said...

Wa kay muhurt shodhalas aajacha,lagech "Tilgul ghya ani god god bola" mhanata yeil.Tu tar Marriage Management sry sry Bayko management Guru ch na bhau!!!

savita telkikar said...

Wa kay muhurt shodhalas aajacha,lagech "Tilgul ghya ani god god bola" mhanata yeil.Tu tar Marriage Management sry sry Bayko management Guru ch na bhau!!!

savita telkikar said...

Wa kay muhurt shodhalas aajacha,lagech "Tilgul ghya ani god god bola" mhanata yeil.Tu tar Marriage Management sry sry Bayko management Guru ch na bhau!!!

AmitG said...

Waa masta!! :)

AmitG said...

Waa masta!! :)

Unknown said...
This comment has been removed by the author.
Vibha said...
This comment has been removed by the author.
Vibha said...

Grt ideas btw. The success of ur write up is that I wont let my husb read it!!!

Ankur said...

Shardul masta lihilay.. Wachun majja aali, "It's not working" wala tar khaas eakdam!! Aata tu lihun tar takala, pudhe kai "hou de kharcha" .. Haha.. Keep it up..